բետանեթ հեռախոսահամար կոնտակտներ

DOMAIN NAMES

Order Now
starting from 4.500 AMD

.am domain registration online

WEB HOSTING

Order Now
starting from 1.000 AMD

Servers in USA

We Accept

Arca Master Card Visa Paypal Moneybookers
IDram  Yandex Money  Webmoney
Qiwi  Ria  Avers

Тhe rights of Registrar in AM TLD

01 July 2014
Our company was granted the rights of registrar in .AM TLD according to the relevant treaty.

The start is given!

20 November 2013
“Betanet” Co. is happy to announce that a new project starts, the aim of which is the introduction of the system of video ad distribution in Armenian websites. The new project was named “MediaRoll Advertising Network”.

A new system

08 January 2013
A new system of online booking of hosting services and domain name registration is introduced.

Our Facebook Page



Ինչպե՞ս ճիշտ որոնել, կամ քիչ բառեր` մեծ արդյունք

Սամվել Բեկթաշյան, գործադիր տնօրեն

Ինտերնետից օգտվողներն ամեն օր որոնումների մեջ են. փնտրում են կայքեր, հոդվածներ, քարտեզներ, մարդկանց, բառերի նշանակություն ու թարգմանություններ: Լինում է, որ փնտրվելիքը միանգամից չի «հայտնաբերվում»:

Ներկայացնում եմ արդյունավետ որոնման մի քանի կանոն:

Քիչ բառեր

Առաջին հերթին հարցումները պետք է հնարավորինս պարզ լինեն: Եթե սրճարան եք փնտրում, պարզապես մուտքագրեք «սրճարան» եւ Ձեր քաղաքի անունը: Մեծ մասամբ չակերտներ, գումարման եւ հանման նշաններ անհրաժեշտ չեն. դրանք կիրառվում են ընդլայնված որոնման համար:

Երկրորդ. մտածեք, թե ամենայն հավանականությամբ ինչ բառեր են առկա Ձեր որոնած կայքում եւ հենց դրանք մուտքագրեք: Օրինակ՝ «քանի մարդ է ապրում Հայաստանում» հարցման փոխարեն փորձեք «Հայաստանի բնակչությունը», քանի որ այս տերմինն է օգտագործված լինելու դեմոգրաֆիային վերաբերող կայքերում:

Երրորդ. Ձեր ուզածը նկարագրեք հնարավորինս քիչ բառերով: Օրինակ՝ «խանութ երեւան»-ն ավելի արդյունավետ կլինի, քան «ի՞նչ խանութ կա երեւանում»:

Եվ վերջապես՝ «վեբ կայք», «փաստաթուղթ», «ընկերություն», «տեղեկություն» եւ նման այլ ոչ ինֆորմատիվ բառերն ավելորդ են:

Մտածեք, թե ինչպե՞ս կգրի օգտվողների մեծամասնությունը: Այսպես Դուք առավել շատ արդյունքներ կստանաք: Օրինակ՝ լավ է գրել «ասպիրին», քան «Acidum acetylsalicylicum»:

Տարածված սխալներ

Մարդիկ հաճախ անվանումները մեծատառով են գրում: Դա ավելորդ է, քանի որ համակարգն «անտարբեր է» ռեգիստրի նկատմամբ: Որոնման համակարգերն անտեսում են «որտեղ», «ինչպես» եւ նման այլ բառեր, ինչպես նաեւ միանիշ թվերն ու առանձին տառերը. դրանք դանդաղեցնում են որոնումը: Եթե անհրաժեշտ է, դրանք կարելի է որոնման մեջ ներառել՝ առջեւից «+» նշան դնելով («+» նշանից առաջ անպայման պետք է «բացատ» լինի):

Պետք չէ ոչ ստանդարտ բառեր ու բառակապակցություններ, ինչպես նաեւ հոմանիշներ փնտրել: Համակարգը դրանք չգիտի: Օրինակ՝ «ՀՀ բնակչությունը» եւ «Հայաստանի Հանրապետության բնակչությունը» նույն արդյունքներին են բերելու:

Ուղեցույց

Շատերն են համակարգին դիմում «ինչ է գլոբալիզացիան» հարցմամբ: Դա, իհարկե, թույլ կտա Ձեզ որոշակի տեղեկություն ստանալ: Բայց առավել հեշտ եւ արդյունավետ եղանակը «define:գլոբալիզացիա» (առանց «բացատի») հարցումն է: Համակարգն անմիջապես կառաջարկի «գլոբալիզացիա» տերմինի սահմանումը հնարավոր շատ աղբյուրներից:

Ապագան...

... ձայնային որոնմանն է: Այն ավելի տարածված է դառնալու, այն հնարավոր է դարձնելու որոնումը մեքենա վարելիս: Մեծ թափ է հավաքում նկարներով որոնումը:

Օրինակ՝ Դուք անծանոթ քաղաքում եք, տեսնում եք գեղեցիկ մի շինություն, նկարում եք այն հեռախոսով, մուտքագրում որոնման համակարգ եւ ստանում դրա վերաբերյալ, ասենք, պատմական տեղեկություններ:

Օգտակար հուշումներ

«Երեւանի հյուրանոցները» - չակերտների կիրառումը համակարգին թույլ կտա փնտրել արտահայտությունը ճիշտ այնպես եւ նույն հերթականությամբ, ինչպես որ Դուք եք մուտքագրել:

«Երեւանի հյուրանոցները site:fairyland.am» - կայքի անվանումը պարունակող հարցումը (առանց «բացատի») թույլ կտա որոնում իրականացնել միայն նշված կայքի սահմանում:

«Երեւանի հյուրանոցները-5 աստղ» - հանման նշանի գործածումը կբերի նշված բառի կամ արտահայտության բացառման: Տվյալ դեպքում համակարգը մեզ կառաջարկի Երեւանի հյուրանոցները՝ բացառությամբ 5 աստաղանիների:

Ctrl + F ստեղների համադրության սեղմումը թույլ կտա որոնում իրականացնել բացված էջի սահմանում: Հետաքրքիր է, բայց օգտվողների մոտ 90%-ը չգիտի բրաուզերների այս հարմար ֆունկցիայի մասին:

Շատ օգտակար են որոնման լրացուցիչ ծառայությունները: Օրինակ՝ եթե վարդի նկար է Ձեզ պետք, մի փնտրեք «վարդի նկար», այլ մուտքագրեք «վարդ» եւ ընտրեք որոնման «Նկարներ» ծառայությունը: Նույնը վերաբերում է նաեւ «Նորություններին», «Տեսանյութերին», «Քարտեզներին» եւ մնացած լրացուցիչ ծառայություններին:

Submit to DeliciousSubmit to DiggSubmit to FacebookSubmit to Google BookmarksSubmit to StumbleuponSubmit to TechnoratiSubmit to TwitterSubmit to LinkedIn

Яндекс.Метрика